Polşa və Litva yaxın keçmişdə yol qəzalarının sayının azaldılmasına nail olub və biz bu təcrübəni Azərbaycanla da bölüşmək istəyirik. Yol qəzalarında ölənlərin sayının minimuma endirilməsi əsas məqsədimizdir.

AZƏRTAC xəbər verir ki, bu sözləri Polşanın infrastruktur nazirinin müavini Andrzej Bittel “Azərbaycanda yol hərəkətinin təhlükəsizliyinin gücləndirilməsi” tvinninq layihəsinin açılış konfransında deyib.

O bildirib ki, qəzaların qarşısının alınması vacibdir, çünki bunun iqtisadi zərərləri də var: “Bu zərərlərin azaldılması da layihənin əsas məqsədlərindən biridir. Həmçinin qanunvericilikdə də ciddi dəyişikliklər olunmalıdır. Layihənin uğurlu olacağından əminəm”.