Hazırda ali təhsil müəssisələrində bəzi ixtisasları 4 ildən 3 ilə endirmək üzərində düşünməyə başlamışıq.

AZƏRTAC xəbər verir ki, bunu elm və təhsil naziri Emin Əmrullayev İnsan Resursları Zirvəsinin "Yerin dərinliyindən beyin dərinliyinə köç" panelində çıxışı zamanı deyib.

O bildirib ki, bu gün dünya texnologiyanı hazırlayanlar və onlardan istifadə edənlər olaraq iki qrupa bölünür: "Qısa müddətdə texnologiyadan istifadə edən şəxsi yaratmaq mümkündür, lakin texnologiya hazırlayan mütəxəssisi qısa müddətdə yetişdirmək mümkün deyil.

Universitetlərdə tədris olunan hər bir fənnin əmək bazarı üçün vacibliyi ilə bağlı rektorlarla müzakirələrimiz olub".