Fevralın 15-də ADA Universitetinin Hüquq fakültəsi və Nyu-York Universitetinin Hüquq fakültəsinin “Transmilli məhkəmə çəkişmələri, arbitraj və kommersiya hüququ üzrə mərkəz”inin birgə təşkilatçılığı ilə “Qloballaşan dünyada beynəlxalq arbitraj: fundamental anlayışlara və perspektivlərə çağırışlar” adlı elmi-praktik konfrans-seminar işinə başlayıb.

Konfrans-seminarda Azərbaycan Respublikası Ali Məhkəməsinin Kommersiya Kollegiyasının sədri Kəmalə Abıyeva, Nyu-York Universiteti, Paris-Şərq Universiteti, Svanse Universiteti və ADA Universitetinin professorları, həmçinin beynəlxalq və yerli hüquq şirkətlərində müvafiq sahə üzrə çalışan aparıcı hüquqşünaslar iştirak edirlər.