Məntəqədə səsvermənin şəffaf və demokratik şəkildə keçirilməsi, komissiya üzvlərinin normal fəaliyyəti üçün zəruri şərait yaradılıb.

AZƏRTAC xəbər verir ki, bunu 7 saylı Səbail rayon seçki dairəsinin 2 saylı seçki məntəqəsinin sədri Süleyman Əliyev bildirib.

Məntəqə sədri qeyd edib ki, məntəqədə 1332 seçici qeydiyyata alınıb. Onun sözlərinə görə, məntəqədə səsvermə prosesini 21 müşahidəçi izləyir.

S. Əliyev əlavə edib ki, məntəqə zəruri avadanlıqlarla təchiz edilib. Məntəqədəki ən gənc seçicinin 18, ən yaşlı seçicinin isə 94 yaşı var.