44 günlük Vətən müharibəsindən sonra Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinin reabilitasiya müəssisələrində müharibə ilə əlaqədar əlilliyi olan 2650 nəfərə reabilitasiya xidmətləri göstərilib.

AZƏRTAC xəbər verir ki, bunu Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov 2022-ci ilin yekunlarına həsr olunan mətbuat konfransında deyib.

A.Bayramov qeyd edib ki, həmin kateqoriyadan olan 1766 şəxs 30 min reabilitasiya vasitəsi, 380 nəfər 394 yüksək texnologiyalı müasir 4-cü nəsil protezlə təmin olunub.