Bakıda martın 1-də Azərbaycan Hakimlər İttifaqı və Azərbaycan Notariat Palatasının birgə təşkilatçılığı ilə “Vərəsəlik hüququ - müasir çağırışlar” mövzusunda elmi-praktik konfrans keçirilir.

AZƏRTAC xəbər verir ki, konfrans ölkəmizin vərəsəlik hüququ ilə bağlı yeni dövrə keçidini şərtləndirmiş Azərbaycan Respublikası Konstitusiya Məhkəməsi Plenumunun 2023-cü il 26 dekabr tarixli Qərarında əks olunmuş hüquqi mövqelərin tətbiqi baxımından təcrübədə yaranacaq problemlərin həlli, habelə bu sahədə qanunvericiliyin təkmilləşdirilməsi zərurətinin və digər aidiyyəti məsələlərin müzakirəsinə həsr olunub.

Tədbirdə hakimlər, notariusların, vəkillərin, habelə aidiyyəti dövlət qurumlarının, ali təhsil müəssisələrinin nümayəndələri və xarici ekspertlər iştirak edirlər.