“TEKNOFEST Azərbaycan” festivalı çərçivəsində “Bayraktar TB2” pilotsuz uçuş aparatlarının yaradıcısı, “Baykar Savunma” şirkətinin texniki direktoru Səlcuq Bayraqdar startapların nümayiş olunduğu stendlərlə tanış olub.

AZƏRTAC xəbər verir ki, Səlcuq Bayraqdar festivaldan əvvəl görülən işlərlə maraqlanıb, yarışmaçıları dinləyib, müəyyən startapların maliyyələşdirilməsi üçün investorlara tövsiyələr verib.

Qeyd edək ki, Türkiyədən kənarda ilk “TEKNOFEST” mayın 26-29-da Azərbaycanda, Bakı Kristal Zalı və ətrafındakı Dənizkənarı Bulvar ərazisində keçiriləcək.