Noyabrın 13-də Dövlət Təhlükəsizliyi Xidmətinin (DTX) Mədəniyyət Mərkəzində “Art-East Media Group” şirkətinin təşkilatçılığı ilə “Musiqili proyektor” adlı konsert proqramı təqdim edilib.
×
Noyabrın 13-də Dövlət Təhlükəsizliyi Xidmətinin (DTX) Mədəniyyət Mərkəzində “Art-East Media Group” şirkətinin təşkilatçılığı ilə “Musiqili proyektor” adlı konsert proqramı təqdim edilib.
AZƏRTAC xəbər verir ki, layihə “Azərbaycanfilm” kinostudiyasının, “CinemaPlus” kinoteatrlar şəbəkəsinin və Azərbaycan Gənclər Fondunun dəstəyi ilə ərsəyə gəlib.
Gecədə Avanqard kamera orkestrinin ifasında ilk dəfə ən çox sevilən filmlərin saundtrekləri yeni aranjimanda təqdim edilib. Orkestrin bədii rəhbəri və dirijoru Arif Aslanovdur.
Proqramda “Sehrli xalat”, “Pirates of the Caribbean”, “La La Land”, “FROZEN”, “Baladadaşın ilk məhəbbəti”, “Pink Panther”, “Ölsəm bağışla” və digər filmlərin saundtrekləri yer alıb.
Parlaq rəqs nömrələri, xoreoqrafiya kompozisiyaları və böyük ekranda nümayiş olunan məşhur filmlərdən parçalar unudulmaz gecəyə rəng qatıb.
Multimedia şousu tamaşaçıların zövqünü oxşayıb.
