İki il sonra Azərbaycanda yenidən Frankofoniya Günləri təşkil olunur. Çox şadam ki, Azərbaycanda fransız dilinin tədrisi genişlənir.

AZƏRTAC xəbər verir ki, bu sözləri Fransanın Azərbaycandakı səfiri Zakari Qros Frankofoniya Günlərinin başlanması ilə bağlı keçirilən mətbuat konfransında söyləyib.

Diplomat bildirib ki, fransız dili Azərbaycan orta məktəblərində ingilis və rus dillərindən sonra ən geniş tədris olunan üçüncü xarici dildir. “Son 3-4 il ərzində Azərbaycanda fransız dilində tədris alanların sayı 40 faizədək artıb”, - deyə Zakari Qros vurğulayıb.