2023-2024-cü tədris ili üzrə dual peşə təhsili proqramına 1000 tələbənin cəlb olunması nəzərdə tutulub.

AZƏRTAC xəbər verir ki, bunu Peşə Təhsili üzrə Dövlət Agentliyinin direktoru vəzifəsini müvəqqəti icra edən Ceyhun Kərəmov bu gün keçirilən brifinqdə deyib. Onun sözlərinə görə, dual peşə təhsili proqramında müxtəlif istiqamətlər üzrə 20 şirkətlə əməkdaşlıq aparılacaq: “Yeni tədris ilində dual peşə təhsili proqramı Sumqayıt, Bakı, Qax, Şəki, Gəncə, Göygöl, Qəbələ, İsmayıllı, Kürdəmir, Neftçala, Cəlilabad, Lənkəran olmaqla 12 regionda tətbiq olunacaq”.