Rusiyanın Yekaterinburq şəhərində “Azərbaycan evi” inşa olunacaq.

Sverdlovsk vilayəti “Azərbaycan” İctimai Təşkilatının rəhbəri Şahin Şıxlinski AZƏRTAC-a bildirib ki, sentyabrın 1-dək yeni binanın tikintisi üçün sahə ayrılacaq və 18 mərtəbəli “Azərbaycan evi” kompleksinin inşasına başlanacaq. Hazırda Sverdlovsk vilayəti hökuməti ilə danışıqlar aparılır və binanın tikintisi üçün bir neçə sahə təklif olunub.