Ölkəmizdə "delta" ştamını aşkarlaya biləcək reaktivlər var. Əgər eyni əlamətlər müşahidə olunan uşaqlarda aparılan testdən sonra aşkarlanmırsa, bu, mövsüm üçün xarakterik olan digər respirator infeksiyalara yoluxmadan xəbər verir. Odur ki, "delta"nın aşkarlana bilməməsi xəbəri doğru deyil.

AZƏRTAC xəbər verir ki, bunu Nazirlər Kabineti yanında Operativ Qərargahın bu gün keçirilən brifinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva deyib.

"Hər il payız-qış mövsümündə uşaqlarda boğaz ağrısı, yüksək qızdırma ilə müşahidə olunan xəstələnmə halları qeydə alınır. Bunlar respirator infeksiyaların əlamətidir. Uşaqlarda SARS-COV-2-yə yoluxma olarsa, bu istər PZR, istərsə də ekspres testlər vasitəsilə təyin oluna bilir", - deyə Y.Qarayeva qeyd edib.