2015-ci ildən bu günədək Azərbaycanda 10 mindən çox cinayət işi qeydiyyata alınıb.

AZƏRTAC xəbər verir ki, bunu Baş Prokurorluğun Kriminalistika və informasiya texnologiyaları idarəsinin rəisi Murad Dadaşov iyunun 3-də Baş Prokurorluqda “Elektron cinayət işi” proqramının yenilənmiş versiyasının və “Elektron cinayət xəritəsi” proqramının təqdimatı mərasimində deyib.

O qeyd edib ki, bu müddətdə qeydiyyata alınan araşdırma tipli materialların sayı 65 mindən çox olub. Bu il yanvarın 1-dən bu günədək idarəyə 403 hadisə barədə məlumat daxil olub.