Xocavənd rayonunun Arakül kəndi Qarabağ silsiləsinin cənub-şərq ətəyində, Araz çayının qolu Çaylaqçayın sol sahilində yerləşir.

Kənd 1988-ci ildə Ermənistandan qovulmuş azərbaycanlı ailələrin burada məskunlaşmasından sonra əhalinin xahişi ilə Xətai adlandırılıb.

Arakül kəndi 1993-cü il avqustun 15-də Ermənistan silahlı qüvvələri tərəfindən işğal olunmuşdu.

Vətən müharibəsində düşmənə ağır zərbə vuran rəşadətli Azərbaycan Ordusu 2020-ci il noyabrın 9-da kəndi işğaldan azad edib.

AZƏRTAC işğal dövründə erməni vandalizminə məruz qalmış kəndin görüntülərini təqdim edir.