Azərbaycan 44 günlük Vətən müharibəsində Zəfər qazanaraq Ermənistanı döyüş meydanında təslim olmağa məcbur etdi. Amma onlar bizim Qələbəmizi həzm edə bilmirlər.

AZƏRTAC xəbər verir ki, bu fikirləri yazıçı, jurnalist, Xocalı faciəsinin şahidi Səriyyə Müslümqızı müəllifi olduğu “Geriyə baxma” adlı kitabın təqdimat mərasimində deyib.

“Xocalıya ədalət!” kampaniyasının təşkilinə və dünyada bu faciənin tanıdılması istiqamətində fəaliyyətə görə dövlətimizə təşəkkürünü bildirən Səriyyə Müslümqızı vurğulayıb ki, biz bir vətəndaş kimi çox fəal olmalıyıq.