Xızı rayon Heydər Əliyev Mərkəzi tərəfindən Xalq şairi Bəxtiyar Vahabzadənin anadan olmasının 95 illiyinə həsr olunmuş şeir müsabiqəsi təşkil edilib.
×
Xızı rayon Heydər Əliyev Mərkəzi tərəfindən Xalq şairi Bəxtiyar Vahabzadənin anadan olmasının 95 illiyinə həsr olunmuş şeir müsabiqəsi təşkil edilib.
AZƏRTAC-ın bölgə müxbiri xəbər verir ki, müsabiqəyə qatılmaq istəyənlər görkəmli şairin şeirlərini səsləndirərək videoya çəkməlidirlər. Həmin videogörüntülər 15 avqust saat 23:00-a kimi mərkəzin facebook səhifəsinin mesaj bölümünə göndərilməlidir.
Müsabiqənin əsas məqsədi Azərbaycan ədəbiyyatının xüsusi mövqeyə malik görkəmli simalarından olan Bəxtiyar Vahabzadənin həyat və yaradıcılığını təbliğ etmək, şairin şeirlərinin yeniyetmə və gənclərin vətəndaşlıq və vətənpərvərlik ruhunda tərbiyə olunmasında böyük rol oynadığını diqqətə çatdırmaqdan ibarətdir.
Qaliblər münsiflər heyətinin rəyinə əsasən seçiləcək.
