Diplomatik korpusun və beynəlxalq medianın nümayəndələri oktyabrın 29-da Bərdədə erməni terrorunun izləri ilə tanış olduqdan sonra Tərtərə gəliblər.

AZƏRTAC-ın cəbhə bölgəsinə ezam olunmuş müxbiri xəbər verir ki, diplomatları Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Birinci vitse-prezidentin köməkçisi Elçin Əmirbəyov, Baş prokuror Kamran Əliyev və başqaları müşayiət edirlər.

Diplomatlar və KİV nümayəndələri Tərtərdə erməni terrorundan zərər görmüş ərazilərə baş çəkəcəklər.