Dövlət İmtahan Mərkəzi tərəfindən imtahanların nəticələrinin elan olunması işi aparılır. İlk üç həftə ərzində keçirilən bütün imtahanların nəticələri elan olunub və mərkəzin saytına yerləşdirilib. Bu, təxminən 105 mindən artıq şagird və abituriyent deməkdir. İyulun 2, 3 və 10-da keçirilən imtahanlarda müəyyən hissə (hansı ki burada qapalı tipli tapşırıqlardır, onların da nəticəsini biz iki gün ərzində elan edirik) açıqlanıb. Bunlarda da 19 minə yaxın iştirakçının nəticəsi elan olunub.

AZƏRTAC xəbər verir ki, bunu iyulun 20-də Azərbaycan Respublikası Nazirlər Kabineti yanında Operativ Qərargahda keçirilən brifinqdə Dövlət İmtahan Mərkəzinin (DİM) mətbuatla iş sektorunun müdiri Xanlar Xanlarzadə deyib.

O bildirib ki, ümumilikdə 124 mindən artıq şagird və abituriyentin imtahan nəticəsi elan olunub.