Hazırda 11 regionda vahid əlaqələndirmə mərkəzləri fəaliyyət göstərir. Artıq 46 rayonda vətəndaşlar həmin mərkəzlərin xidmətindən istifadə edə bilirlər. İndiyədək həmin mərkəzlərdə 41 minə yaxın vətəndaşa xidmət göstərilib. Vahid əlaqələndirmə mərkəzlərinin əhatə dairəsi getdikcə genişləndirilir.

AZƏRTAC xəbər verir ki, bunu Dövlət Sosial Müdafiə Fondunun sədri Himalay Məmişov postmüharibə dövründə şəhid ailələrinin üzvlərinin və müharibə iştirakçılarının sosial ödənişlərlə təminatı sahəsində aparılan işlərə dair mətbuat konfransında deyib.

Onun verdiyi məlumata görə, şəhid ailələri üzvlərindən 7 min 979 nəfərə 15 min 943, müharibə əlillərindən 2 min 935 nəfərə 5 min 870, müharibə veteranlarından 81 min 856 nəfərə həmin sayda ödəniş təyinatı aparılıb.