1 İyun - Uşaqların Beynəlxalq Müdafiəsi Günü münasibətilə Uşaq Səfirlər Məclisinin üzvləri Fəxri xiyabana gələrək Azərbaycan xalqının ümummilli lideri, müasir müstəqil dövlətimizin memarı və qurucusu Heydər Əliyevin xatirəsini ehtiramla yad edib, məzarı önünə tər güllər düzüblər.

AZƏRTAC xəbər verir ki, sonra ziyarətçilər Şəhidlər xiyabanına və İkinci Fəxri xiyabana gələrək ölkəmizin azadlığı və suverenliyi uğrunda mübarizədə, o cümlədən Vətən müharibəsində canlarından keçmiş qəhrəman Vətən övladlarının xatirəsini ehtiramla yad edib, məzarları üzərinə güllər qoyublar.