Təhsil və İqtisadiyyat nazirliklərinin dəstəyi və Azərbaycan Dövlət İqtisad Universitetinin (UNEC) təşkilatçılığı ilə dövlət müstəqilliyinin bərpasının 30 illiyinə həsr olunan UNEC İqtisadi Forumu-2021 davam edir.

AZƏRTAC xəbər verir ki, dekabrın 3-də Forum çərçivəsində “Postpandemiya dövründə biznes transformasiyası” mövzusunda panel iclas keçirilir.

Forumda Rusiyanın Veon şirkətinin Rəqəmsal və Yeni Biznesin İnkişafı üzrə vitse-prezidenti (Rusiya) Georq Held, Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, “PAŞA Holdinq”in baş icraçı direktoru Cəlal Qasımov, Nobel mükafatı laureatı, professor Məhəmməd Yunus, BP-nin Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəylinin çıxışları dinlənilib.

Çıxış edənlər bildiriblər ki, COVID-19 pandemiyası ilə mübarizə müddətində ən çox zərər görmüş biznes subyektləri olub. Panelin spikerləri postpandemiya dövründə biznesin transformasiyası modellərini müzakirə ediblər.

Sonra suallar cavablandırılıb.