Mayın 4-də Heydər Əliyev Sarayında Elm və Təhsil Nazirliyinin təşkilatçılığı ilə Ümummilli Lider Heydər Əliyevin 100 illik yubileyinə həsr edilmiş “Tarix yaradan şəxsiyyət” adlı konsert olub.

AZƏRTAC xəbər verir ki, əvvəlcə Bülbül adına Orta İxtisas Musiqi Məktəbinin Uşaq Simfonik Orkestri Dövlət Himnini səsləndirib. Konsert proqramı Uşaq-Gənclər İnkişaf mərkəzlərinin istedadlı tələbələrinin ifasında şeir-mahnı və rəqs kompozisiyaları ilə davam edib.

Tədbirdə elm və təhsil naziri Emin Əmrullayev, Milli Məclisin Elm və təhsil komitəsinin sədri Bəxtiyar Əliyev, Azərbaycan Milli Konservatoriyasının rektoru Siyavuş Kərimi və digər rəsmilər iştirak ediblər.