Azərbaycan Dövlət Neft və Sənaye Universitetinin nəzdində fəaliyyət göstərən Azərbaycan-Fransız Universitetinə (UFAZ) 500-dən yuxarı bal toplayan təqribən 500 nəfərdən çox abituriyent sənəd verir.
×
Azərbaycan Dövlət Neft və Sənaye Universitetinin nəzdində fəaliyyət göstərən Azərbaycan-Fransız Universitetinə (UFAZ) 500-dən yuxarı bal toplayan təqribən 500 nəfərdən çox abituriyent sənəd verir. Onlardan təqribən 100 nəfəri rus, 400-ü Azərbaycan bölməsindən gəlir. İllər keçdikcə rus bölmələrindən gələnlərin sayı azaldıqca biz plan yerlərimizin təhlilini apardıq. Bu gün rus bölmələrimizdə olan tələbələrin sayı 150-yə qədər azalıb, ingilis bölməsi üzrə isə 750-yə qədər artıb.
AZƏRTAC xəbər verir ki, bunu “Abituriyent” jurnalının 12-ci nömrəsinin təqdimat mərasimində Azərbaycan Dövlət Neft və Sənaye Universitetinin rektoru professor Mustafa Babanlı söyləyib.
Jurnalın bu nömrəsində 2021-ci il üçün Azərbaycan Respublikasının ali və orta ixtisas təhsili müəssisələrinə tələbə qəbulu və ümumtəhsil müəssisələri üzrə buraxılış imtahanları nəticələrinə dair elmi-statistik materialları dərc edilib.
