Bakıda AFFA-nın hesabat konfransı davam edir. Tədbirdə UEFA və FIFA-nın nümayəndələri də iştirak edirlər.

AZƏRTAC xəbər verir ki, tədbirə ali futbol qurumundan Nodar Axalkatsi, qitə qurumundan isə Jozef Kliment qatılıblar.

Onların konfrans zamanı çıxışı da nəzərdə tutulub.

Qeyd edək ki, Nodar Axalkatsi FIFA-nın UEFA-ya üzv assosiasiyaları İdarəetmə Departamentinin rəhbəridir. O, 2005 - 2009-cu illərdə Gürcüstan Futbol Federasiyasının prezidenti olub. Slovakiya Futbol Assosiasiyasının sabiq baş katibi Jozef Kliment isə hazırda UEFA-nın İnkişaf şöbəsinin rəhbəridir.