Avqustun 12-də Heydərabad seysmoloji stansiyasından 53 kilometr şimal-qərbdə - Türkiyənin İğdır vilayətində maqnitudası 4.4 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən AZƏRTAC-a bildirilib ki, yeraltı təkanlar yerli vaxtla saat 03:29-da qeydə alınıb.

Ocağı 2 kilometr dərinlikdə yerləşən zəlzələ Naxçıvan Muxtar Respublikasının Sədərək rayonunda 3 bala qədər hiss olunub.