Şuşa Qarabağın baş tacıdır. Biz Ağdamda olarkən də bu cür həyəcanlı, eyni zamanda, qürurverici hisslər keçirmişdik.

Bunu AZƏRTAC-a müsahibəsində Prezident Administrasiyası tərəfindən siyasi partiya rəhbərlərinin, habelə tanınmış politoloq və siyasi şərhçilərin Şuşaya təşkil olunan səfəri zamanı Ağ Partiyanın sədri Tural Abbaslı deyib.

O bildirib ki, Qarabağın yenidən qurulmasını, yollarda Azərbaycan bayraqlarının dalğalanmasını görərkən insan buraya yeni nəfəs gəldiyini hiss etdirir. “Şuşa sanki illərdir bizlərin həsrətini çəkirdi və nəhayət, biz gəldik. Allah şəhidlərimizə rəhmət, qazilərimizə cansağlığı versin. Biz onlara daim minnətdarıq”, - deyə partiya sədri əlavə edib.