2021-2022-ci tədris ilində təhsil tələbə krediti ilə bağlı 10 min 597 müraciət olub. Həmin müraciətlərdən 7 min 962-si yekunlaşdırılıb, 2 min 635-i natamam hesab olunub.

AZƏRTAC xəbər verir ki, bunu Təhsil Tələbə Krediti Fondunun icraçı direktoru Araz Paşayev “Media və təhsil dialoqu” mövzusunda keçirilən təlim-seminarda çıxışı zamanı deyib. O qeyd edib ki, bu müddətdə 1 147 tələbənin müraciətinə imtina verilib.

Gender bölgüsünə gəlincə, kredit alan 6 min 815 tələbədən 3 min 786-sı qadın, 3 min 29-u isə kişi olub. Ali təhsilin bakalavriat pilləsi üzrə 5 min 795, magistratura pilləsi üzrə 849 nəfərə təhsil krediti verilib. Bu müddətdə kreditlər üçün ümumilikdə 5 991 947,67 manat vəsait xərclənib