Təhsil sistemi olaraq əsaslı çağırışlarla üzbəüzük. Hazırda Azərbaycan məktəblərində 17 fənn tədris olunur. Lakin etiraf etməliyik ki, müasir təhsil sistemində doğmalaşmış fənlərin əksəriyyəti çoxdan öz aktuallığını itirib. Bu mənada rəqəmsallaşmanın hər bir fənnə necə təsir etməsi bu gün çox vacibdir.

AZƏRTAC xəbər verir ki, bu fikri təhsil naziri Emin Əmrullayev “Rəqəmsal iqtisadiyyat: müasir çağırışlar və real imkanlar” mövzusunda II beynəlxalq konfransda söyləyib. Nazir diqqətə çatdırıb ki, müvafiq istiqamətdə Təhsil Nazirliyi tərəfindən bir sıra layihələr həyata keçirilir. Layihələr 200 minədək şagirdi əhatə edir.