Bakıda atıcılıq üzrə dünya kuboku yarışı davam edir.
AZƏRTAC xəbər verir ki, bu gün, həmçinin stend atıcılığının səngər növü üzrə qadınlar və kişilər arasında keçirilən final yarışının qalibləri müəyyənləşib.
×
Bakıda atıcılıq üzrə dünya kuboku yarışı davam edir.
AZƏRTAC xəbər verir ki, bu gün, həmçinin stend atıcılığının səngər növü üzrə qadınlar və kişilər arasında keçirilən final yarışının qalibləri müəyyənləşib. Qadınların yarışında finlandiyalı Noora Antikaynen, kişilər arasında isə çexiyalı Liptak Jiri qızıl medal qazanıblar.
Stend atıcılığının final yarışını gənclər və idman naziri Fərid Qayıbov da izləyib. Nazir qaliblərə medalları təqdim edib.
Ümumi nəticələrə görə, Serbiya komandası 2 qızıl, 1 gümüş və 1 bürünc medalla liderliyini davam etdirir.
Xatırladaq ki, Bakı Atıcılıq Mərkəzində iyunun 7-dək davam edəcək turnirdə 66 ölkədən 705 idmançı 30 növ üzrə qarışıq komanda, komanda və şəxsi yarışlarda güclərini sınayırlar. Azərbaycanı dünya kuboku yarışında 36 idmançı təmsil edir.
Turnirdə idmançılar 30-u qızıl olmaqla, 188 medal uğrunda mübarizə aparırlar.