Hər bir futbolçunun arzusudur ki, final oyununda qol vursun və o, qələbə qolu olsun.

AZƏRTAC xəbər verir ki, bu sözləri jurnalistlərə açıqlamasında minifutbol üzrə Avropa çempionu olan Azərbaycan milli komandasının futbolçusu Seymur Məmmədov söyləyib.

“Çempion olmaq, Vətənə bu cür geri qayıtmaq böyük hissdir. Bizə göstərdiyi dəstəyə görə Azərbaycan xalqına təşəkkürümü bildirirəm”, - deyə S.Məmmədov qeyd edib.