İsmayıllı rayonunda kartof yığımı davam edir və hələlik sahələrdən 6380 ton məhsul götürülüb.

Rayon icra hakimiyyətindən AZƏRTAC-ın bölgə müxbirinə bildirilib ki, cari mövsümdə 970 hektar sahədə kartof yetişdirilib. Bunun 305 hektarı Talıstan, Diyalı kənd və şəhər ərazi dairələrində sənaye üsulu ilə əkilib. Hazırda bu sahələrdə də yığım davam edir və hər hektardan orta hesabla 35-40 ton məhsul tədarük olunur. Sənaye üsulu ilə əkilən ərazilərdəki məhsul yığımında 200 nəfərdən çox işçi çalışır. Onların işə gəlib-getmələri xüsusi avtobuslarla pulsuz təşkil olunub.