Ölkəmizdə baramaçılığın inkişafı ilə əlaqədar qəbul edilmiş Dövlət Proqramına uyğun olaraq, 2016-cı ildən Şəmkir rayonunda barama istehsalına başlanılıb.

Şəmkir Rayon İcra Hakimiyyətindən AZƏRTAC-ın bölgə müxbirinə bildirilib ki, bu il 14071,7 kiloqram barama istehsal edilərək “Azərİpək” Açıq Səhmdar Cəmiyyətinə təhvil verilib.

Təhvil verilmiş barama məhsuluna görə Cəmiyyət tərəfindən istehsalçılara 53min 817 manat vəsait ödənilib, 66 min 984 manat subsidiyanın ödənilməsi üçün isə aidiyyəti sənədlər Kənd Təsərrüfatı Nazirliyinə təqdim edilib.

Rayonda barama istehsalını genişləndirmək məqsədilə 2016-cı ildən Çin Xalq Respublikasından gətirilmiş və Ekologiya və Təbii Sərvətlər Nazirliyi tərəfindən verilmiş 166 min çəkil ağacı əkilib.