İqtisadiyyatının əsasını müxtəlif kənd təsərrüfatı məhsullarının istehsalının üstünlük təşkil etdiyi Şəmkir rayonunda, eyni zamanda, heyvandarlığın da inkişafı diqqət mərkəzindədir.

Şəmkir Rayon İcra Hakimiyyətindən AZƏRTAC-ın bölgə müxbirinə bildirilib ki, rayon üzrə iribuynuzlu mal-qaranın sayı 56174 başa, qoyun və keçilərin sayı isə 272 min 702 başa çatıb. Ötən ilin eyni dövrü ilə müqayisədə qoyun və keçilərin sayı 2112 baş artıb.

Bu ilin 6 ayı ərzində 4768 ton ət (diri çəkidə), 26 min 422 ton süd, 516,7 ton yun, 15 milyon 557 min ədəd yumurta istehsal olunub. Keçən ilin eyni dövrü ilə müqayisədə ət istehsalı 2,6 faiz, süd istehsalı 3,2 faiz, yumurta istehsalı 3,7 faiz artıb.