Ağacavad Vətən müharibəsinə könüllü yollandı. Xocavənd uğrunda gedən döyüşlərdə şəhid oldu. Mən qəhrəman anası olduğum üçün fəxr edirəm.
×
Ağacavad Vətən müharibəsinə könüllü yollandı. Xocavənd uğrunda gedən döyüşlərdə şəhid oldu. Mən qəhrəman anası olduğum üçün fəxr edirəm. Nə xoş mənim halıma ki, Ağacavad kimi oğlum var...
Bu sözləri AZƏRTAC-ın Şuşa şəhərinə ezam olunmuş müxbirinə şəhid Ağacavad Mütəllimzadənin anası Nailə Mütəllimzadə deyib.
“Mən dərzi işləyirəm. Ağacavad müharibəyə yola düşəndə pis olduğumu görüb mənə demişdi ki, “narahat olma ana, biz qalib gələcəyik”. Amma şəhidlik zirvəsinə yüksəldi. O, şəhid olanda evdən çıxıb getmək istəyirdim. Dərdə dözə bilmirdim. Qardaşı bir gün dedi ki, “ana, gəl böyük bayraq tikək, axı Ağacavad dediyi kimi, qalib gəlib”. Bir müddət sonra mənim tikdiyim bayrağın küçəmizdən asıldığını gördüm. Ağacavad mənə Vətəni çox sevdirdi, onun gözü ilə Vətəni daha çox sevdim. Onun kimi oğlum olduğu üçün fəxr edirəm. O, hər zaman mənim yanımdadır”, - deyə şəhid anası bildirib