Mənim valideynlərim əslən şuşalıdırlar. Özüm isə hələ gənc olduğumdan Şuşanı görməmişəm. Ona görə də çox həyəcanlıyam.

Bu sözləri yanvarın 29-da AZƏRTAC-a müsahibəsində Bakı-Şuşa-Bakı avtobusunun sərnişini Şəbnəm Məmmədli deyib.

O bildirib ki, Şuşanın erməni işğalçılarından azad edildiyi günü unutmur: “Bu xəbəri eşidəndə ailə üzvlərimiz çox sevindi. Bundan da gözəl xəbər ola bilərdimi? İndi onlar da öz vətənlərini görmək istəyirlər. Biz çox xoşbəxtik ki, yenidən Şuşanı görəcəyik. Bu elə hisslərdir ki, onu sözlə ifadə etmək mümkün deyil”.

Ş.Məmmədli tarixi Qələbəmizi təmin edən Prezident, Müzəffər Ali Baş Komandan İlham Əliyevə minnətdarlığını ifadə edib, həmçinin torpaqlarımızın azadlığı uğrunda canlarını fəda etmiş şəhidlərimizin və qazilərimizin hüzurunda baş əydiyini söyləyib.