Bildiyiniz kimi, bu yaxınlarda Operativ Qərargahın qərarına uyğun olaraq Azərbaycanda karantin rejimi növbəti il martın 1-dək uzadılıb. Pandemiya hələ də inkişaf etməkdədir.

AZƏRTAC xəbər verir ki, bu sözləri Nazirlər Kabineti yanında Operativ Qərargahın dekabrın 28-də təşkil etdiyi brifinqdə Azərbaycan Respublikası Prezidentinin köməkçisi – Prezident Administrasiyasının iqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib.

Prezidentin köməkçisi deyib ki, bu brifinqlərin mütəmadi şəkildə keçirilməsi həm ictimaiyyətin cari vəziyyət, dünyada baş verən proseslər haqqında məlumatlandırılması, eyni zamanda, Operativ Qərargahın növbəti qərarlarının açıqlanması məqsədi daşıyır.