Martın 1-də Mədəniyyət Nazirliyinin dəstəyi və F.Köçərli adına Respublika Uşaq Kitabxanasının təşkilatçılığı ilə Beynəlxalq Muğam Mərkəzində “Həyata kitabla addımla” adlı tədbir keçirilib.

AZƏRTAC xəbər verir ki, Azərbaycanın Dövlət Himninin səslənməsi ilə başlayan tədbirdə torpaqlarımızın azadlığı uğurunda həlak olanların xatirəsi bir dəqiqəlik sükutla yad edilib.

Bildirilib ki, tədbirin keçirilməsində məqsəd uşaq ədəbiyyatına olan marağı artırmaq, uşaqları mütaliəyə cəlb etmək, həmçinin oxu və mütaliə vərdişlərinin bədii təfəkkürün inkişafındakı rolunu bir daha diqqətə çatdırmaqdır.

Tədbirdə iştirak edən İkinci Qarabağ müharibəsində şəhid olan qəhrəman Azərbaycan oğullarının övladlarına kitablar hədiyyə edilib.

3 nömrəli Uşaq-Gənclər İnkişaf Mərkəzinin təqdim etdiyi geniş konsert proqramı balacaların marağına səbəb olub.