İyunun 30-da 2021-2022-ci tədris ili üzrə Respublika fənn olimpiadaları qaliblərinin mükafatlandırılması mərasimi keçirilib.

AZƏRTAC xəbər verir ki, ADA Universitetində keçirilən tədbirdə çıxış edən təhsil naziri Emin Əmrullayev ölkəmizdə istedadlı uşaqların müəyyənləşdirilməsi istiqamətində keçirilən müsabiqələrin vacibliyini vurğulayıb. Bildirilib ki, fənn olimpiadalarının məqsədi istedadlı uşaqların aşkar olunması, onların potensialının inkişaf etdirilməsi, aşağı sinif şagirdlərinin müxtəlif fənlərə olan marağının artırılması və beynəlxalq olimpiadalara hazırlıq mərkəzlərinə dinləyiciləri cəlb etməkdir.

Tədbirdə Təhsil Nazirliyinin sektor müdiri Fuad Qarayev Respublika fənn olimpiadalarının keçirilməsinin məqsədi və nəticələri barədə məlumat verib. Qeyd edilib ki, olimpiadalarda 390-dan çox şagird qalib olub.

Sonda qaliblər mükafatlandırılıb.