Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin tələbələri üçün ADNSU, Strasburq Universiteti və Fransa səfirliyi arasında doktorantura təqaüdü sahəsində əməkdaşlıq sazişi imzalanıb.
×
Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin tələbələri üçün ADNSU, Strasburq Universiteti və Fransa səfirliyi arasında doktorantura təqaüdü sahəsində əməkdaşlıq sazişi imzalanıb. Sənədə əsasən, Strasburq Universiteti ilə birgə tədqiqatlar aparılacaq.
AZƏRTAC xəbər verir ki, bunu ADNSU-nun rektoru, professor Mustafa Babanlı jurnalistlərə müsahibəsində bildirib.
Rektor deyib: “Müqavilə çərçivəsində Fransadan dəvət edilən daimi müəllimlər yerli müəllimlərlə əvəz olunacaq, eyni zamanda, neft-qaz mühəndisliyi, geologiya-fizika mühəndisliyi, kimya mühəndisliyi, kompüter elmləri və digər sahələr üzrə birgə tədqiqat işləri aparılacaq. UFAZ-da elmi-tədqiqat laboratoriyalarının fəaliyyəti daha da genişlənəcək”.