Hazırda Azərbaycanda sanskrit dilini öyrənmək üçün baza yoxdur. Bu dili xarici mütəxəssislərin iştirakı ilə tədris edərək öyrənmək niyyətindəyik.

AZƏRTAC xəbər verir ki, bunu akademik Kamal Abdulla Azərbaycan Dillər Universitetində sanskrit dilinin tədrisinə başlanılması ilə bağlı təşkil olunan mətbuat konfransında deyib.

O bildirib ki, tədris prosesində tədricən dil haqqında baza da formalaşacaq. O vurğulayıb ki, hazırda sanskrit dili Azərbaycan Dillər Universitetində ixtisas kimi öyrənilmir, sadəcə dil olaraq tədris edilir.