İşğaldan azad olunan ərazilərdə yol infrastrukturu ilə əlaqədar iri layihələrin həyata keçirilməsi davam edir.

AZƏRTAC xəbər verir ki, Əlaqələndirmə Qərargahının nəzdində fəaliyyət göstərən İdarələrarası Mərkəzin nəqliyyat, rabitə və yüksək texnologiyalar üzrə işçi qrupunun Füzuli Beynəlxalq Hava Limanında keçirilən iclasında çıxış edən rəqəmsal inkişaf və nəqliyyat nazirinin müavini Rəhman Hümmətov dəmir yolları üzrə işlərin 66 faizinin həyata keçirildiyini bildirib. O qeyd edib ki, hazırda bu istiqamətdə tunel və körpülərin də tikintisi davam edir.