İyulun 4-də saat 21:51-də Daşlı adasında palçıq vulkanının püskürməsi baş verib. Püskürmənin davamlılığı 8 dəqiqə, vulkanın dərinliyi 1,48 kilometr, yanma müddəti 25 saniyə, alovun hündürlüyü 50 metrdən çox olub.

AZƏRTAC xəbər verir ki, bunu Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru Qurban Yetirmişli deyib.

"Həmin vulkan çoxdandır ki, püskürmürdü. Sonuncu dəfə o, 1945-ci ildə püskürüb", - deyə Q.Yetirmişli bildirib.

O, Xəzər dənizində çoxlu palçıq vulkanlarının olduğunu da diqqətə çatdırıb.