Çox şadam ki, bugünkü konfransda iştirak edirəm. Azərbaycan bu konfransda özünün rəqəmsal kənd təsərrüfatı transformasiyası sahəsində ən yaxşı təcrübəsini bölüşür. Bu sahədə həqiqətən də Azərbaycan böyük uğurlar əldə edir.

AZƏRTAC xəbər verir ki, bunu Bakıda səfərdə olan FAO-nun baş direktoru Qu Donqyu jurnalistlərə müsahibəsində deyib.

"Bu gün Prezident İlham Əliyevlə də görüşmüşük. Onunla uğurlu müzakirələrimiz olub. Bildirmək istəyirəm ki, FAO hər zaman Azərbaycanın kənd təsərrüfatı istiqamətində fəaliyyətlərinə dəstək verməyə hazırdır", - deyə Qu Donqyu bildirib.