Palçıq vulkanları Yerin təki haqqında çox böyük idrak informasiyanın daşıyıcısı olan olduqca maraqlı, unikal və sirrli təbiət hadisəsidir. Azərbaycan palçıq vulkanlarının vətəni sayılır. Vulkanların sayına, müxtəlifliyinə və aktiv fəaliyyətinə görə dünyada Azərbaycan ərazisinə oxşar ərazi yoxdur. Azərbaycan ərazisində 300-dən artıq palçıq vulkanı mövcuddur. Palçıq vulkanları əsasən Abşeron yarımadasında, Şamaxı-Qobustan, Cənub-Şərqi Şirvan və Bakı arxipelağında yerləşiblər. Yalnız Qobustanda 100-dən çox palçıq vulkanı var.