Kistoz fibroz irsi sistem xəstəliyi olub, genlərin mutasiyası nəticəsində yaranan, xarici sekresiya vəzilərinin zədələnməsi, tənəffüs və həzm sistemi orqanlarının funksiyalarının ciddi pozulması ilə xarakterizə olunur.
×
Kistoz fibroz irsi sistem xəstəliyi olub, genlərin mutasiyası nəticəsində yaranan, xarici sekresiya vəzilərinin zədələnməsi, tənəffüs və həzm sistemi orqanlarının funksiyalarının ciddi pozulması ilə xarakterizə olunur.
AZƏRTAC xəbər verir ki, bunu "Azərbaycanda kistoz fibrozun müalicəsində yeni dövr" adlı tədbirdə Səhiyyə Nazirliyinin pediatriya sahəsində mütəxəssis-eksperti, Azərbaycan Pediatriya Cəmiyyətinin sədri Erkin Rəhimov deyib.
“Xəstəliyin əsas səbəbi 7-ci xromosomda yerləşən gen mutasiyasıdır. Yer kürəsində hər 20 nəfərdən birində bu gen mutasiyası var və bu şəxslər xəstəliyin daşıyıcısı hesab olunur. Hər iki valideyndən mutasiyalı genin ötürülməsi nəticəsində xəstə uşaq dünyaya gəlir”.
Qızlarda və oğlanlarda bu xəstəliyin rastgəlmə tezliyinin eyni olduğunu qeyd edən E.Rəhimov “Öskürək, tənginəfəslik, pnevmoniya, dəridən duzlu dad gəlməsi, isti havalarda dehidratasiya və fiziki inkişafın ləngiməsi kistoz fibroz xəstəliyinin əsas simptomlarıdır”,- deyə ekspert bildirib