“Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nın 2019-cu il üzrə icrası çərçivəsində ölkədə Avtomatlaşdırılmış Qida Təhlükəsizliyi İnformasiya Sistemində (AQTİS) idxal əməliyyatları üzrə “E-müraciət” və “Qeydiyyat” modulları yaradılıb. Aidiyyəti dövlət orqanlarına məxsus məlumat bazalarının Elektron Hökumət İnformasiya Sistemi üzərindən Qida Təhlükəsizliyi Agentliyinin AQTİS sistemi ilə inteqrasiyası təmin edilib.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Vergilər Nazirliyi ilə VÖEN, Ədliyyə Nazirliyi ilə FİN məlumatların alınması üzrə, Dövlət Gömrük Komitəsinin isə Vahid Avtomatlaşdırılmış İdarəetmə Sistemi (VAİS) ilə inteqrasiya həyata keçirilib.