Qeyri‒formal və informal üsullarla əldə olunmuş və tanınması nəzərdə tutulan kvalifikasiyaların sayı artırılacaq.

AZƏRTAC xəbər verir ki, bunu təhsil naziri Emin Əmrullayev “Azərbaycan Respublikasının 2022-2026-cı illərdə sosial-iqtisadi inkişaf Strategiyası” və digər məsələlərlə bağlı təşkil etdiyi brifinqdə deyib.

O bildirib ki, hazırda tanınmış kvalifikasiyaların sayı 5-dir. Qeyri‒formal və informal üsullarla əldə olunmuş və tanınması nəzərdə tutulan kvalifikasiyaların sayının 35 vahid artması nəzərdə tutulub. Eyni zamanada əməkqabiliyyətli əhalinin sayında qeyri‒formal təhsilə cəlb olunanların xüsusi çəkisi üzrə müsbət dinamikaya nail olunması istiqamətində də işlər aparılacaq.

Xatırladaq ki, Prezident İlham Əliyev iyulun 22-də “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın təsdiq edilməsi haqqında Sərəncam imzalayıb.