Paytaxtın şimal-qərbində yerləşən Balaxanı tarixi-mədəni abidələrlə zəngin qədim yaşayış yerlərindəndir. Bakının ilk neft quyuları bu qəsəbədə qazılıb.

XX əsrin əvvəllərindəki neft bumuna qədər Balaxanı Böyük İpək Yolunun üzərində yerləşdiyindən strateji mövqeyə sahib idi. Bu məkan uzun əsrlər boyu Çindən İspaniyaya qədər uzanan karvan yolunun əsas məntəqələrindən olub. Balaxanıda Şirvanşahlar və Səfəvilər dövrünə aid bir çox tarixi abidə mövcuddur.

Balaxanı qəsəbəsində 2018-ci ildə başlayan genişmiqyaslı abadlıq işləri 2020-ci ildə tamamlanıb. İndi bu qəsəbə yeni siması ilə hər kəsi özünə cəlb edir. Qəsəbə özünəməxsus memarlığı – qədim abidələri, zövqlü tikililəri və dar küçələri ilə seçilir.

Qeyd edək ki, aparılan abadlıq işləri nəticəsində Balaxanı artıq yeni turizm marşrutu kimi təsdiqlənib.