Qazaxıstan idmançısı Nariman Kurbanov Bakıda keçirilən idman gimnastikası üzrə dünya kuboku yarışlarında fərqlənib.

AZƏRTAC xəbər verir ki, Milli Gimnastika Arenasında kişilərin dəstəli at yarışlarında N.Kurbanov 14,633 xalla qızıl medal əldə edib.

Albaniya idmançısı Matvey Petrov14,466 xalla ikinci, Fransa gimnastı Siril Tommazon isə 14,333 xalla üçüncü olublar.

Ölkəmizin gimnastika növləri üzrə bu il təşkil etdiyi dördüncü beynəlxalq yarışda 34 ölkədən 145 idmançı qüvvəsini sınayır.

Qeyd edək ki, Azərbaycan təmsilçilərindən Nikita Simonov dünya kubokunda halqalarla yarışda bürünc medal qazanıb.