Qazaxıstan batutçusu Daniel Mussabayev Milli Gimnastika Arenasında keçirilən dünya kuboku yarışlarında finala yüksəlib.

AZƏRTAC xəbər verir ki, kişi idmançıların fərdi təsnifat mərhələsinin birinci qrupunda çıxış edən D.Mussabayevin təqdim etdiyi proqram hakimlər tərəfindən 58,910 xalla qiymətləndirilib. Qrupda birinci olan idmançı finala vəsiqə qazanıb.

Böyüklər arasında təşkil olunan yarışda Azərbaycanla yanaşı, 15 ölkədən 62 gimnast fərdi və sinxron proqramda mübarizə aparacaq.

İki gün davam edəcək yarış zamanı idmançıların maraqlı və rəngarəng çıxışlarını izləmək istəyən tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər. Biletlərin qiyməti təsnifat yarışlarına 7, final mərhələlərinə isə 10 manat təşkil edir.